avh-v2

Nýr búsetukjarni rís í Hnoðraholti

Mon, 20 Apr 2026 16:20:35 GMT

Það var sannkölluð gleðistund þegar fyrstu skóflustungurnar að nýjum búsetukjarna fyrir fatlað fólk við Haustbraut í Hnoðraholti voru teknar.

Um er að ræða sjö íbúða búsetukjarna með sérinngangi í hverja íbúð. Hönnun húsnæðisins og verkefnið í heild sinni styður við markmið um sjálfstæða búsetu og aukin lífsgæði í heimabyggð. Búsetukjarninn verður staðsettur í Hnoðraholti, þar sem lögð er áhersla á gott umhverfi og útsýni.

Íbúðirnar, sem eru sjö talsins, eru hver og ein með sérinngang, góða forstofu og rúmgóða geymslu. Þær eru bjartar með hárri lofthæð í stofurými og möguleika á lítilli verönd fyrir framan hverja íbúð. Starfsmannarými eru vel skipulögð og styðja við starfsemina í heild.

Verkefnið er talið mikilvægt skref í uppbyggingu þjónustu við fatlað fólk og er markmiðið að skapa hlýlegt og aðgengilegt heimili þar sem íbúum líður vel. Stefnt er að því að búsetukjarninn verði tekinn í notkun haustið 2027.

AVH sér um alhliða hönnun verkefnisins.

Heilsugæslan opnar í sunnuhlíð

Tue, 24 Jun 2025 10:10:57 GMT

Ný og vel útbúin heilsugæslustöð fyrir Akureyri og nærsveitir opnar í Sunnuhlíð 12. Á stöðinni verður öll almenn læknaþjónusta, hjúkrunarmóttaka, mæðravernd, ungbarnavernd og önnur þjónusta fyrir íbúa á Akureyri og nærsveitarfélög. Nýja heilsugæslan er sérhönnuð utan um starfsemina, en miklar endurbætur hafa verið gerðar á húsnæðinu sem er um 1700 fm að stærð.

AVH sá um arkitektahönnun og samhæfingarvinnu.

Mikil ánægja er með nýju heilsugæsluna í Sunnuhlíð samkvæmt frétt á Akureyri.net ( https://www.akureyri.net/is/flokkur/heilsugaeslan/mikil-anaegja-med-nyju-heilsugaesluna ).

Myndir hér að neðan fegnar að láni frá Akureyri.net, ásamt renderingum frá okkur.

https://www.akureyri.net/is/flokkur/heilsugaeslan/heilsugaesla-her-og-onnur-thar-myndir

Opnun búsetukjarna

Tue, 24 Jun 2025 10:10:57 GMT

Á mánudaginn 6. nóvember 2023, var búsetukjarninn við Brekkuás 2 formlega opnaður við hátíðlega vígsluathöfn.

Við Brekkuás 2 í Ásahverfi í Garðabæ er sjö íbúða búsetukjarni fyrir fatlað fólk, ásamt starfsmannaaðstöðu.

Byggingin verður á einni hæð, staðsteypt og einangruð að utan, klædd með timburklæðningu, heildarstærð 587,6 m2.

AVH sá um hönnunina og hönnunarstjóri var Anna Margrét Hauksdóttir arkitekt. Landslag ehf sá um landslagshönnun lóðar, Lumex sáum verkfræðiráðgjöf raflagna og Örugg verkfræðistofa sá um brunahönnun hússins. Gunnar Bjarnason ehf. sá um að byggja húsið.

Bygging búsetukjarnans er hluti af stefnu bæjarins um áframhaldandi uppbyggingu búsetukjarna fyrir fatlað fólk samhliða fjölgun annarra búsetuúrræða og fækkun herbergjasambýla.

Nýtt aðstöðuhús Nökkva við Drottningarbraut

Sat, 25 Jun 2022 14:22:32 GMT

Umhverfis- og mannvirkjasvið Akureyrarbæjar óskar eftir tilboðum uppsetningu nýs aðstöðuhúss fyrir siglingaklúbbinn Nökkva. Húsið verður staðsett á fyllingu við núverandi svæði Nökkva við Drottningarbraut. Um er að ræða tæplega 403 m² CLT einingarhús teiknað og hannað af AVH ehf.
Kynningarfundur og vettvangsskoðun verður kl. 13.00 þann 26. júní 2020 og er skráning á tölvupóstfangið umsarekstur@akureyri.is
Framkvæmdir hefjast við undirritun samnings og eru verklok áætluð 1. júní 2021.
Útboðsgögn verða aðgengileg í gegnum tölvupóstfangið umsarekstur@akureyri.is frá 19. júní 2020.
Tilboðum skal skila fyrir kl. 11:00 þann 10. ágúst 2020 á skrifstofu Umhverfis- og mannvirkjasviðs á 4. hæð í Ráðhúsi Akureyrar og verða tilboð opnuð á sama stað og tíma að viðstöddum þeim bjóðendum sem þess óska.

Kynning á deiliskipulags tillögu – Holtahverfi norður

Wed, 16 Sep 2020 15:57:40 GMT

Á mánudaginn síðast liðinn var opið hús í Hofi á Akureyri þar sem tillaga að deiliskipulagi fyrir Holtahverfi norður var kynnt.

Markmiðið með nýju deiliskipulagi er að bjóða upp á nýjar lóðir í bæði gömlu og nýju hverfi á einu fallegasta svæði Akureyrar. Svæðið býður upp á útsýni til allra átta og er til dæmis í nágrenni við falleg útivistarsvæði, smábátahöfn, verslun og atvinnusvæði. Einnig er mikilvægt að bæta umferðarskipulag á svæðinu og huga að gönguleiðum barna í skóla- og íþróttastarf frá nýrri íbúðarbyggð.

Í stuttu máli:

Ný íbúðabyggð norðaustan við Krossanesbraut – allt að 280 íbúðir í blandaðri byggð fjölbýlishúsa, raðhúsa, parhúsa og einbýlishúsa.
Ónotuð svæði innan núverandi byggðar skipulögð.
Umferðarskipulag bætt með með áherslu á gönguleiðir í skóla- og íþróttastarf.
Útivistarsvæði og nýir stígar um hverfið.
Áhersla á vistvænt skipulag, umhverfisvænar samgöngur, lýðheilsu, græn svæði, sjálfbærni, fjölbreyttar þarfir mismunandi hópa og vel skipulögð atvinnusvæði í tengslum við íbúðabyggð.

Skoða má tillöguna og senda inn athugasemd á vef Akureyrarbæjar: www.akureyri.is/is/frettir/holtahverfi-nordur-ny-og-spennandi-ibudabyggd

Byggingalistaverðlaun Akureyrar 2020

Fri, 12 Jun 2020 16:04:21 GMT

Byggingalistaverðlaun Akureyrar 2020 hlaut Anna Margrét Hauksdóttir arkitekt FAÍ, AVH ehf. og Bergfesta byggingarfélag fyrir útfærslu fjölbýlishúsa við Halldóruhaga 8, 10, 12 og 14. Húsagerðin er tveggja hæða fjórbýlishús með útitröppum. Húsunum er skipt upp í tvíbýliseiningar, tveim og tveim saman með opnum stigum á milli. Útistigar njóta skjóls undir þaki og á bak við rimlaverk og eru því ekki meginatriði í útliti húsanna eða götumyndinni. Húsaeingarnar eru skásettar þannig að þær mynda fjölbreytta og áhugaverða húsaröð, sem er undirstrikuð með sérstöku meginformi húsanna,“ segir í tilkynningu frá Akureyrarbæ.

Opnun Glerárvirkjun II

Mon, 08 Oct 2018 15:15:58 GMT

Glerárvirkjun II var formlega gangsett á föstudaginn. „Virkjunin getur séð fimm þúsund heimilum á Akureyri fyrir rafmagni og um leið fjölgar útivistarmöguleikum í Glerárdal.“ (frétt af ruv.is ) Myndirnar eru úr fréttum frá akureyri.is og vísir.is

AVH sá um alhliðahönnun á stöðvarhúsinu.

Samstarf milli RML og AVH

Fri, 20 Jul 2018 16:06:30 GMT

Í fyrra var skrifað undir samstarfssamning milli Ráðgjafamiðstöðvar landbúnaðarins (RML) og AVH til að aðstoða bændur í nýbyggingum og breytingum á núverandi mannvirkjum. Á myndinni eru Runólfur Sigursveinsson og Anton Örn Brynjarsson að handsala samstarfssamning AVH og RML.

Frá því að RML var stofnað 2013 hefur bútækniráðgjöf til bænda verið takmörkunum háð varðandi skil á teikningum til yfirvalda. RML hafði verið að leita að heppilegum samstarfsaðila varðandi það að koma ráðgjöfinni í þann farveg að hægt sé að bjóða bændum þjónustu frá hugmynd að fullbyggðu gripahúsi. RML hafði vantað samstarf við teiknistofu með skrifstofur nálægt viðskiptavinum sunnan og norðan heiða. Þá náðust samningar við AVH sem er fyrirtæki sem getur skilað öllum tilskildum teikningum til yfirvalda. Ætlunin er að teikningarnar verði unnar í grunninn af RML en kláraðar af AVH í fullu samráði við bútækniráðgjafa RML, varðandi aðbúnað og vinnuumhverfi, sem ætti að minnka hönnunarkostnað.

Frétt var um málið í Bændablaðinu þann 3. nóvember 2017 . (Mynd tekin af vef Bændablaðsins)

Viðurkenning fyrir hjúkrunarheimili á Selfossi

Thu, 26 Oct 2017 15:42:17 GMT

AVH tók þátt í opinni hönnunarsamkeppni um hjúkrunarheimili í sveitarfélaginu Árborg. 17 tillögur bárust í samkeppnina frá íslenskum og erlendum arkitektastofum.

AVH hlaut viðurkenningu fyrir áhugaverða tillögu og dómnefndarálit má sjá á pdf skjali . Anna Margrét Hauksdóttir, Arnþór Tryggvason og Pétur Jónsson töku á móti viðkenningunni á síðastliðnum þriðjudegi á Selfossi.

Sundlaug Dalvíkur opnar aftur eftir endurbætur

Wed, 02 Aug 2017 15:38:54 GMT

Sundlaug Dalvíkur var opnuð aftur 1. ágúst, eftir gagngerar endurbætur. Fanney Hauksdóttir hannaði sundlaugina og íþróttahúsið á sínum tíma. AVH sá um endurbæturnar.

Falleg íslensk heimili

Fri, 09 Jun 2017 16:02:42 GMT

This is a subtitle for your new post

Í síðasta mánuði var einbýlishús við Krókeyrarnöf tekið fyrir í þættinum „Falleg íslensk heimili“ og kom á Vísi.is 19. maí

„Í glæsilegu húsi við Krókeyranöf á Akureyri býr María Bergþórsdóttir og fjölskylda. Hjónin byrjuðu að byggja húsið árið 2009 og fluttu síðan inn tveimur árum síðar. Arkitektinn Fanney Hauksdóttir teiknaði húsið.

Húsið er tæplega þrjú hundruð fermetrar. Naustahverfið er nýjasta íbúðarhverfið á Akureyri. Það er kennt við jörðina Naust og liggur sunnan við meginbyggðina á Brekkunni og útundir Kjarnaskóg.

Flöt þök og hrein form einkenna mörg hús í hverfinu og minna þau sumpart fúnkíshúsin sem algeng voru á Akureyri á fjórða áratugnum.“

Byggingarlistarverðlaun Akureyrar

Mon, 17 Apr 2017 15:36:13 GMT

Á vorkomu Akureyrarstofu voru veitt byggingarlistarverðlaun og hlaut Fanney Hauksdóttir arkitekt þau fyrir hönnun sína á hjúkrunarheimilinu Lögmannshlíð .

Einnig var tilkynnt um bæjarlistarmann Akureyrar, veitt viðurkenning úr Húsverndunarsjóði og veitt heiðursviðurkenningu Menningarsjóðs. Frétt um vorkomuna má sjá á akureyri.is/ . Í fréttinni er talað um „hjúkrunarheimilið Lögmannshlíð sem þykir hafa heppnast afar vel með tilliti til þeirrar starfsemi sem þar fer fram en á heimilinu er unnið eftir svokallaðri Eden-stefnu“ .